Schlof-Fässer

Ihres temporära Dahei hend miar mit viel Liabi zum Detail patschiifig igrichtet. Freuend Sie sich uf d’Ziit unterem freiem Himmel am eigeta Holztisch vor- oder gmüatlich im beheizta Innera vum Wiifass.

Während am Ufenthalt werden sie kulinarisch usem persönlich für Sie grüsteta Spiiskorb verköstigt. Derbi bestimmend Sie selber wenns Ziit fürs z’Nacht- und z’Morgaessa oder a Glas Herrschäftler Wii isch.

Zum Agebot khörend denn immer grad zwei (bi vier Nasa sogar drei) Fässer. Eis (oder denn eba zwei) zum pfusa und as wiiters Fass zum mampfa, lesa, plaudera oder eifach kli zum Ziit knüssa

Bi üs profitierend Sie au nochem Bsuach no! Jedem Gast offerierend miar an 10% Guatschiin für dia nöchsta Ikäuf im Landquart Fashion Outlet.