Blauburgunder
Jenins

Zmitzt im Dorf mit ara prächtiga Ussicht übers Rhiital – so präsentiert sich Ihres SCHLOF-FASS «Blauburgunder» in Jenins.

In Jenins knüssend Sie im einta Fass dia kuscheliga Bettdecki für a tüüüüfa, gsunda Schlof und im zweita Fass dr Ufenthaltsbereich mit Tisch, Bank, ama Wasserkocher und so wiiters. Im glicha Fass gits an Hinterigang zum WC und ama Lavabo zum Katzawösch macha. A Duschi hemmer nid, aber z’Ragaz kasch go bädala in dr Therma oder au im Freibad.

Laag

Dank dr Nöchi zum Dorfzentrum bsuachend Sie in weniga Minuta z’Fuass Beiza und Wiitörkel. Wunderbari Spaziergäng füarend Sie in dia nochi Umgebig wo rundum nur Wiesa und Reba sind.

Wiiteri Ideea für Usflüg rund um Jenins finden Sie unter da Usflugsziil bi «Ziit vertrödla».

GRAPE ESCAPES

Schwiiz Tourismus bütet zäma mit Swiss Wine Promoschen einzigartigi Übernachtigsmöglichkeita z’mitzt in da Wiiberga a. Grape Escapes bütet da Gäst Glegaheit, Schwiiz als Wiiland z’entdecka, sich mit dr Natur verbinda, tüfer itaucha und as unvergessliches und intims erlebnis z’ha. Au SCHLOF-FASS.CH isch a Teil vu dera Kampagna.